التمليك الجزئي

التمليك الجزئي فى مصر

الكثير منا يتعرض يوميا لدعوات حضور عروض سياحية بنظام التمليك الجزئي ( multi-owner ) .
وموضوعنا النهرده جواب على سؤال ما هو التمليك الجزئي ؟ او ما هو ال ( multi-owner ) ؟

بمنتهى البساطة نقدر نقول ان التمليك الجزئي هو عبارة عن حصة عقارية . ودائما يسخدم هذا النظام فى السياحة والعقارات السياحية . وهو من اقوى الانظمة السياحية فى هذا العصر . وبدأ هذا النظام فى سنه 1986. نشأت فكرته فى اميركا ونظمت فى لندن

ليه بقى يستخدم فى العقارات السياحية ؟؟
لان مفيش حد عاوز شقة يعيش فيها على طول هيشتريها بنظام التمليك الجزئي

التمليك الجزئي بيقسم فيه الشالية ل 24 فرد كل فرد مالك فى الشاليه بنسبة 1\ 24 من مساحة الشالية
حصته اللى بيمتلكها فى الارض دى بتعادل فى ايام ربنا اسبوعين .

فى حد يقول اشمعنى اسبوعين ؟؟
ببساطة السنه فيها 52 اسبوع بناخد منها 4 اسابيع للصيانه للمحافظة على ترتيب القرية وعدد نجومها بيفضل عندنا 48 اسبوع بنقسمهم على 24 فرد كل فرد حصته بيعادلها اسبوعين.

طيب لو واحد مش بيكفيه اسبوعين فى الاجازة ؟؟
غالبا الشعب المصري مش بيقضي اجازات سنويه اكتر من اسبوعين ولو حد بيقضي اكتر من اسبوعين بيشترى حصتين والحصتين بيعادلهم 4 اسابيع .

طيب وليه مش بيبيعو الشاليه كله وخلاص؟؟
لان نظام التمليك الجزئي اتعمل مخصوص عشان يخلى كل الناس تقدر تمتلك وتقضي اجازاتها فى ملكها وفى اماكن كويسه مش بيروحها غير الاغنياء وبكدا هيكون فى امكان كل الناس تروح اجازات فى اماكن 5 نجوم بتكلفه بسيطه .
هتقولى برده مش مقتنع !! دلوقتى لو القريه مثلا فيها 100 شاليه وبعنا كل شاليه لشخص واحد بس هيبقى مالك عندنا 100 شخص
ال 100 شخص دول هيقضو كام اسبوع فى القرية ؟؟
بالكير اوى كل واحد هيقضي اسبوعين .. يعنى معنى كدا القرية هتشتغل شهرين او تلاته وتفضل فاضية طول السنه .. حد شايف ان دا من مصلحة المالك فى القرية ؟؟
هقولكم انا .. معنى كدا ان المولات والاسواق اللى فى القرية مش هيشغلو وهيقفلو ويروحو قرية تانية .
ومعنى كدا برده ان القرية مش هيبقى عليها دخول وخروج كتير يعنى القرية مش شغالة . وبكدا سعر الشاليه او الملك اللى حضرتك شاريه هيقل تمنه مع الوقت .

دايما الشعوب المتقدمه بتاخد بقاعدة الاحتياج على قد التكلفة ..
انا محتاج اسبوعين كل سنه لاجازتى انا والاسرة فى مكان كويس .. ادفع على قد الاسبوعين بس ولا ادفع السنه كلها ؟؟
طبعا هسيبلك الاجابة .
زى بالظبط انا دخلت قطر ومعايا تمن تذاكر القطر كله هحجز تذكرة لكرسي واحد ؟؟ ولا هحجز ذاكر القطر كله ؟؟

هو نظام التمليك الجزئي بالظبط كدا بدفع على قد احتياجى .

طيب وامتى اقدر اخد الاسبوعين بتوعى فى نظام التمليك الجزئي ؟؟
ممكن تاخد الاسبوعين مع بعض او كل اسبوع لوحده فى اى وقت بتحدده انت .
لان دا ملكك حد يقدر يحددلك معاد تدخل فيه ملكك ؟؟

بس افرض ال 23 شخص اللى مالكين معايا طلبو فى نفس الوق انهم ينزلو اجازتهم ؟؟
اى قريه بتبيع بنظام التمليك الجزئي بتسيب نسبة 30% احطياتى . يعنى بتسيب 30% من شاليهات القرية مش بتملكهم لأى حد عشان لو اتنين او تلاته او 10 طلبو فى نفس الوقت بياخدو شاليهات نفس المساحه ونفس الديكور ونفس المفروشات ونفس الفيو .

طيب ولو حبيت اقضي اجازتى فى مكان تانى ؟؟
التمليك الجزئي بيقدم للمالك حق التبادل والغيير . يعنى المالك يقدر ياخد الاسبوعين فى اى مكان داخل مصر بنفس مستوى الخدمة وبنفس مساحة الشاليه المالك فيه ودا بدون مقابل او بعمولة بسيطة حسب الشركة المتعاقد معها .

طيب ولو انا مش عاوز الاسبوعين بتوعى ؟؟
التمليك الجزئي بيتيح للمالك نظام الايجار . والايجار دا بيكون عن طريقين .. ممكن انه عن طريق المالك وطبعا وقتها محدش له حق يسأله اجرتها لمين ولا اجرتها بكام . طيب لو انت مش عارف تاجرها ؟؟ بتتصل بالشركه او ادارة القرية وتقولهم يأجرو حصتك السنادى ودا عن طريق تفويض بالتاجير منك للشركة وكل شركة لها نسبة معينه بتاخدها على الايجار فى حدود 10% وبكدا هيجيبو لحضرتك اعلى سعر لان كل ما هيكسبوك هما كسبانين .

وايه يضمنلى حقى ؟؟
اى ملك فى الدنيا ضمانه عقد بين البائع والمشترى موثق فى الشهر العقارى ودائما يوجد شرط جزائي عند الاخلال ب اى شرط من شروط العقد من احد الطرفين والشرط الجزائي دا بيوصل ل 50% من قيمة العقد حسب كل شركة وسياستها .

ولو حبيت ابيع حصتى؟
دا كمان من الحقوق اللى بيوفرها نظام التمليك الجزئي .. يعنى المالك يقدر يبيع فى اى وقت لاى شخص طيب ولو مش عارف يبيع ؟ بيرجع للشركة يقولها عاوز ابيع والشركه بتبيعله حصته مقابل نسبه 10% وبمعنى كدا انهم بردو هيحاولو يجيبو اعلى سعر لانهم كل ما هيكسبوك هما كسبانين .. وغير كدا كمان ان العقارات السياحية سعرها بيزيد كل سنة بنسبه 20% .. يعنى لو انت شارى السنادى ب 100 الف هتبيعها تانى سنه ب 120 الف .

ولو الشالية وقع او اتهدم ايه يثبتلى حقى ؟؟
العقد اللى مع حضرتك بيثبلك حقك فى الارض بالنسبه للمساحة المحدده فى العقد .

ودلوقتى هلخص لكم الحقوق اللى بيديهالك نظام المليك الجزئي :

1- حق حرية الاستخدام ( بتقضي اجازتك فى اى وقت تختاره )
2- حق الوريث ( تمليك مدى الحياة ويورث )
3- حق الاهداء ( ممكن تقدم الاسبوعين هدية لأى شخص )
4- حق الايجار ( يتم عن طريقك او طريق الشركة )
5- حق البيع ( يتم عن طريقك او عن طريق الشركة )
6- حق التبادل والتغيير ( يتيحلك تقضية اجازتك فى اى مكان تختاره )

ياريت اللى عاوز يسأل عن اى حاجه او فيه اي حاجه فى نظام التمليك الجزئي مش فاهمها يسألنى فى تعليق او من صفحة اتصل بنا وانا تحت امركم